Heimsmeistararnir hófu titilvörnina af krafti

Mikkel Hansen, markakóngur HM 2019, sækir að vörn Barein í leiknum í kvöld sem Danir unnu örugglega eins og við var búist. Mynd/EPA

Heimsmeistarar Danmerkur hófu titilvörn sína af krafti í kvöld á heimsmeistaramótinu í handknattleik karla í Egyptalandi. Þeir lögðu Barein, undir stjórn Halldórs Jóhanns Sigfússonar, með 14 marka mun, 34:20, eftir að hafa verið átta mörkum yfir að loknum fyrri hálfleik, 18:10.


Sigurinn var aldrei í hættu frá upphafi til enda. Bareinar leika næst við Argentínu á sunnudaginn og Danir glíma við Kongóbúa sem stóðu lengi vel í Argentínumönnum í dag en máttu gefa eftir undir lokin og tapa, 28:22.

Mathias Gidsel skoraði 10 mörk fyrir Dani og var þeirra markahæstur. Markakóngur HM 2019, Mikkel Hansen, var næstur með fjögur mörk.

- Auglýsing -

Nýjustu fréttir

- Auglýsing -