Markvörðurinn Phil Döhler hefur skrifað undir nýjan samning við FH. Mynd/ J.L.Long

Þýski markvörðurinn, Phil Döhler, hefur framlengt samning sinn við handknattleiksdeild FH um tvö ár eða fram á sumar 2023. Döhler kom til FH frá Magdeburg sumarið 2019 og hefur síðan þá verið einn allra besti markmaður deildarinnar. Hann var m.a. valinn í lið árins hjá Seinni bylgjunni / Stöð 2 síðastliðið vor.


Phil Döhler er fæddur árið 1995 og er því á 26. aldursári. „Við erum gríðarlega ánægð með að Phil hafi gert nýjan tveggja ára samning við okkur FH-inga. Hann hefur verið frábær í FH-búningnum og verið einn mikilvægasti leikmaður liðsins. Hann hefur aðlagast umhverfinu og hópnum mjög vel og er orðinn að miklum FH-ingi,“ segir Ásgeir Jónsson, formaður handknattleiksdeildar FH í tilkynningu sem deildin sendi frá sér í morgun.

Hér fyrir neðan er myndskeið frá FH með nokkrum frábærum tilþrifum hjá Döhler.

- Auglýsing -

Nýjustu fréttir

- Auglýsing -