Rúnar Sigtryggsson t.h. ásamt Rüdiger Jurke framkvæmdastjóra EHV Aue. Mynd/EHV Aue

Handknattleiksþjálfarinn, Rúnar Sigtryggsson, heldur áfram þjálfun þýska 2. deildarliðsins EHV Aue um ótiltekinn tíma. Rúnar staðfesti þetta við handbolta.is í dag. Hann tók við þjálfun liðsins í byrjun desember eftir að þjálfari liðsins veiktist alvarlega af kórónuveirunni. Rúnar stýrði liðinu út desember og tók síðan upp þráðinn eftir áramótin og þá að minnsta kosti til loka febrúar. Nú er ljóst að Rúnar heldur sínu strik við stýrið hjá EHV Aue fram eftir keppnistímabilinu.

Kórónuveiran lék lið EHV Aue grátt í haust og í vetur. Auk þjálfarans sem veiktist alvarlega þá smituðust margir leikmenn liðsins af veirunni og varð leikmannahópurinn að fara í tvígang í sóttkví um nokkurt skeið með skömmu millibili. Allt þetta kom niður á leikmönnum auk þess sem leikjadagskrá liðsins gekk talsvert úr skorðum.

EHV Aue situr í sjöunda sæti deildarinnar um þessar mundir með 17 stig eftir 15 leiki og er tveimur til þremur leikjum á eftir mörgum liðum deildarinnar. Aue sækir Elbflorenz heim til Dresden í kvöld.

- Auglýsing -

Nýjustu fréttir

- Auglýsing -