Heldur sínu striki með FH

Birgir Örn Birgisson verður áfram í herbúðum FH. Mynd/J.L.Long

Birgir Már Birgisson hefur skrifað undir nýjan samning við FH. Birgir Már kom til FH frá liði Víkings fyrir þremur árum síðan og hefur bætt sig mikið undanfarin ár, segir í tilkynningu frá Handknattleikdeild FH að þessu tilefni. Birgir Már hefur skoraði 57 mörk í átján leikjum í Olísdeildinni á þessari leiktíð en hann leikur í hægra horni.

„Það er alveg frábært að Birgir Már hafi ákveðið að framlengja samningi sínum við okkur FH-inga. Birgir Már er einn af bestu hægri hornamönnum landsins, gæðadrengur innan sem utan vallar og hefur spilað virkilega vel fyrir okkur FH-inga undanfarin ár,” er haft eftir Ásgeiri Jónssyni, formanni handknattleiksdeildar FH í fyrrgreindri tilkynningu.

Þar segir ennfremur að erlend félög hafi sýnt Birgi Erni áhuga og að FH muni ekki standa í vegi fyrir að hann rói á erlend mið bjóðist eitthvað spennandi.

- Auglýsing -

Nýjustu fréttir

- Auglýsing -