Heldur tryggð við Hauka

Adam Haukur Baumruk reiðbúinn að skjóta að marki KA í kappleik í vetur. Mynd/Egill Bjarni Friðjónsson

Skyttan Adam Haukur Baumruk hefur framlengt samning sinn við handknattleiksdeild Hauka til næstu þriggja ára. Adam hefur verið einn af lykilmönnum meistaraflokks undanfarin ár og er einn af leikreyndustu leikmönnum liðsins. Á tímabilinu hefur Adam skorað 41 mark í 15 leikjum auk þess að vera í lykilhlutverk í varnarleik Haukaliðsins.


„Það er því mikið gleðiefni að Adam hafi framlengt samning sinn við félagið en Adam sem er 26 ára og hefur nú þegar orðið tvisvar sinnum bikarmeistari, tvisvar sinnum Íslandsmeistari og fimm sinnum deildarmeistari með meistaraflokki. Adam mun því geta leiðbeint og miðlað reynslu sinni til þeirra ungu og efnilegu Haukastráka sem eru að koma upp í meistaraflokk,“ segir í fréttatilkynningu sem handknattleiksdeild Hauka sendi frá sér.

- Auglýsing -

Nýjustu fréttir

- Auglýsing -