Herinn tók á móti heimsmeisturunum

Niklas Landin og félagar fengu höfðinglegar mótttökur við komuna heim í dag. Mynd/EPA

Danski herinn tók á móti heimsmeisturum Danmerkur í handknattleik karla þegar þeir komu heim fyrr í dag frá heimsmeistaramótinu í Egyptalandi. Danir unnu heimsmeistaratitilinn í annað sinn í röð í gær eftir sigur á Svíum í úrslitaleik, 26:24.


Um leið og flugvél sem flutti heimsmeistarana kom inn í danska lofthelgi tóku þotur danska hersins á móti meisturunum og öðrum farþegum flugvélarinnar og fylgdi henni að Kastrup-flugvelli.

Mótttökuathöfnin á flugvellinum var í mýflugumynd vegna kórónuveirunnar og ekki verður slegið upp hátíð á Ráðhústorginu í Kaupmannahöfn eins og gert var þegar Danir unnu heimsmeistaratitilinn á heimvelli fyrir tveimur árum. Aðstæður leyfa ekki slíkt nú um stundir.

Dönum leiddist satt að segja ekki að taka heimsmeistarastyttuna með sér heim eftir að hafa flutt hana með sér til Egyptalands fyrir um þremur vikum eins og meðfylgjandi færsla danska handknattleikssambandsins ber með sér.

- Auglýsing -

Nýjustu fréttir

- Auglýsing -