Herslumuninn vantaði upp á

Hildigunnur Einarsdóttir leikmaður Bayer Leverkusen. Mynd/TSV Bayer Leverkusen

Hildigunnur Einarsdótir og samherjar hennar í Bayer Leverkusen töpuðu naumlega, 24:23, í fyrir Rosengarten í 8-liða úrslitum þýsku bikarkeppninnar í handknattleik í dag. Leikið var á heimavelli Leverkusen. Leikmenn Rosengarten voru marki yfir í hálfleik, 12:11.


Rosengarten skoraði sigurmarkið þegar rúmar tvær mínútur voru til leiksloka. Þrátt fyrir ákafar tilraunir á síðustu mínútunum til þess að jafna metin tókst leikmönnum Leverkusen það ekki.

Hildigunnur hefur glímt við erfið hnémeiðsli síðasta mánuðinn og kom ekki mikið við sögu í leiknum. Reikna má með að Hildigunnur fari í aðgerð á næstu dögum eins og kom fram í samtali við hana á handbolti.is fyrir skömmu. Hún verður þar með frá keppni næstu vikurnar en meiðsli nú er svipuð þeim og hrjáðu hana á síðustu leiktíð.

- Auglýsing -

Nýjustu fréttir

- Auglýsing -