Hiklaust áfram hjá Gróttu

Jakob Ingi Stefánsson hefur framlengt samning sinn við Gróttu til tveggja ára. Mynd/Eyjólfur Garðarsson

Vinstri hornamaðurinn, Jakob Ingi Stefánsson hefur framlengt samning sinn við handknattleiksdeild Gróttu til næstu tveggja ára. Jakob Ingi er á sínu öðru ári hjá Gróttu en hann gekk til liðs við félagið sumarið 2019 frá Aftureldingu.

Jakob hefur leikið alla leiki liðsins í Olís-deildinni á þessu tímabili og hefur skorað níu mörk. Á síðustu leiktíð skoraði hann 44 mörk í 15 leikjum í Grill 66-deildinni.

Jakob fæddist 1997 er uppalinn hjá ÍR en hefur einnig leikið með Víkingi og Aftureldingu á sínum ferli.

„Það eru gleðitíðindi að Jakob Ingi hafi tekið þá ákvörðun að leika með Gróttu áfram næstu ár,“ segir m.a. í tilkynningu frá Handknattleiksdeild Gróttu.

Grótta er nýliði í Olísdeild karla. Liðið situr í 10. sæti með 10 stig að loknum 15 leikjum.

Mynd/Grótta
- Auglýsing -

Nýjustu fréttir

- Auglýsing -