Hildigunnur og félagar kjöldrógu liðsmenn Mainz

Hildigunnur Einarsdóttir leikmaður Bayer Leverkusen. Mynd/TSV Bayer Leverkusen

Hildigunnur Einarsdóttir og samherjar í Bayer Leverkusen kjöldrógu leikmenn Mainz á heimavelli í dag í þýsku 1. deildinni í handknattleik. Leverkusen liðið lék af miklum krafti frá upphafi til enda og vann með 13 marka mun, 37:24, eftir að hafa verið átta mörkum yfir í hálfleik, 19:11.


„Það var mjög mikið keyrt og fyrsta og annað tempo. Við erum á góðu róli en megum alls ekki slaka neitt á,“ sagði Hildigunnur við handbolta.is. Hún skoraði tvö mörk úr jafn mörgum tilraunum. Einnig var hún allt í öllu í vörninni og var m.a. einu sinni vísað af leikvelli.


Leverkusen situr í áttunda sæti deildarinnar með 24 stig eftir 24 leiki. Liðið á sex leiki eftir óleikna. Borussia Dortmund er efst með fullt hús stiga, 48, eftir 24 leiki en leikmenn liðsins dúsa í sóttkví þessa dagana. Sextán lið eru í þýsku 1. deildinni.

- Auglýsing -

Nýjustu fréttir

- Auglýsing -