Mynd/ J.L.Long

Margt bendir til þess að áhorfendum verði í einhverjum mæli heimilt að koma á handboltakappleiki þegar líður á þessa viku. Þórólfur Guðnason, sóttvarnalæknir, sagði aðspuður á upplýsingafundi Almannavarna í dag að í minnisblaði sem hann hefur sent heilbrigðisráðherra væri að finna „ákveðnar tillögur“ sem sneru m.a. að komu áhorfenda á íþróttakappleiki.


Þórólfur sagði ennfremur að hann reikni með að tilslakanir af ýmsu tagi sem hann leggur til í minnisblaði sínu taki gildi um eða upp úr miðri viku.


Svandís Svavarsdóttir, heilbrigðisráðherra, sagði í samtölum við fjölmiðla í gær að hún leggi tillögur um tilslakanir á sóttvörnum fyrir ríkisstjórnarfund á morgun, þriðjudag. Tillögurnar verða væntanlega opinberlega kynntar að loknum ríkisstjórnarfundinum um hádegisbil.

- Auglýsing -

Nýjustu fréttir

- Auglýsing -