- Auglýsing -

HK gerði það gott í Dalhúsum

Mynd/Egill Bjarni Friðjónsson

Ungmennalið HK gerði góða ferð í Dalhús í kvöld og tryggði sér tvö stig í safnið í heimsókn sinni til Fjölnis/Fylkis í Grill 66-deild kvenna. HK-liðið lék eins og það sem valdið hefur og vann öruggan sjö marka sigur, 27:20, eftir að hafa verið marki yfir að loknum fyrri hálfleik, 11:10.


Síðari hálfleikur var eign HK-liðsins. Sóknarleikurinn gekk afar greiðlega auk þess sem varnarleikurinn var til fyrirmyndar.



Með sigrinum í kvöld er HK komið upp í fimmta sæti deildarinnar með níu stig eftir níu leiki.

Fjölnis/Fylkisliðið er áfram í basli og situr eftir í neðsta sæti af 11 liðum með tvö stig eftir níu leiki. Ljóst er að leikmenn og þjálfarar verða að herða upp hugann í síðari hluta deildarkeppninnar til þess að ná sér upp úr erfiðri stöðu.


Mörk Fjölnis/Fylkis: Hrafnhildur Irma Jónsdóttir 9, Anna Karen Jónsdóttir 3, Ada Kozicka 2, Elsa Karen Þorvaldsdóttir Sæmundsen 2, Erla María Magnusdóttir 1, Sara Björg Davíðsdóttir 1, Harpa Elín Haraldsdóttir 1, Telma Sól Bogadóttir 1.
Mörk HK U.: Jóhanna Lind Jónasdóttir 5, Margrét Guðmundsdóttir 4, Alda Brá Oddsdóttir 4, Inga Dís Jóhannsdóttir 3, Amelía Laufey Miljevic 3, Karen Hrund Logadóttir 2, Aníta Eik Jónsdóttir 2, Katrín Hekla Magnúsdóttir 2, Hekla Fönn Vilhelmsdóttir 1, Embla Steindórsdóttir 1.


Stöðuna og næstu leiki í Grill66-deild kvenna má sjá hér.

- Auglýsing -
- Auglýsing -

Nýjustu fréttir

- Auglýsing -