Elías Már Halldórsson kveður nú HK sem Olísdeildarlið. Mynd/Fjölnir, Þorgils G.

HK komst upp að hlið Víkings og ungmennaliðs Vals í efsta sæti Grill 66-deildar karla í handknattleik í gærkvöld með 12 marka sigri á botnliði deildarinnar, ungmennaliði Fram, 29:17. Leikið var í Kórnum í Kópavogi. HK var sex mörkum yfir í hálfleik, 15:9.


HK hefur þar með 14 stig að loknum níu leikjum eins og ungmennalið Vals sem vann Fjölni í gærkvöld eins og fjallað var um handbolti.is. Víkingur á leik til góða á HK og mætir Herði í Víkinni klukkan 15 í dag.


Mörk HK: Kristján Ottó Hjálmsson 6, Hjörtur Ingi Halldórsson 5, Sigurvin Jarl Ármannsson 3, Símon Michael Guðjónsson 3, Ágúst Ingi Óskarsson 2, Kristófer Andri Daðason 2, Haukur Ingi Hauksson 2, Einar Bragi Aðalsteinsson 2, Kári Tómas Hauksson 2, Sigurður Jefferson Guarino 1, Davíð Elí Hemisson 1.
Mörk Fram U.: Róbert Árni Guðmundsson 7, Arnór Róbertsson 3, Stefán Orri Arnalds 3, Aron Örn Heimisson 1, Aron Fannar Sindrason 1, Tómas Bragi Gunnarsson 1, Marteinn Sverrir Bjarnason 1.

Staðan í Grill 66-deild karla.

- Auglýsing -

Nýjustu fréttir

- Auglýsing -