Handboltaparið Pætur Mikkjálsson Sofie Söberg Larsen leikur með Akureyrarliðunum.

Íslandsmeistarar KA/Þór í handknattleik kvenna hafa fengið liðsstyrk í dönsku handknattleikskonunni Sofie Søberg Larsen. Frá því er greint á Akureyri.net.


Larsen, sem er 25 ára gömul, hefur þegar fengið félagaskipti til meistaranna frá H71 í Færeyjum þar sem hún lék síðast undir stjórn Einars Jónssonar, núverandi þjálfara karlaliðs Fram, keppnistímabilið 2019/2020. Þar áður hafði Larsen leikið eitt tímabil með Neistanum í Þórshöfn.


Á Akureyri.net segir að Larsen sé 186 cm, örvhent skytta, og unnusta Pætur Mikkjálsson, færeyska línumannsins sem kom til KA í sumar frá SUS Nyborg í Danmörku. Hún hafi ekki ætlað sér að vera í handknattleik í vetur en freistast til að mæta á æfingu hjá KA/Þór. Þar með var ekki aftur snúið.


Ekki er talið útilokað að Larsen verði í leikmannahópi KA/Þórs sem sækir Fjölni/Fylki heim í 16-liða úrslitum Coca Cola-bikarsins á laugardaginn.

- Auglýsing -

Nýjustu fréttir

- Auglýsing -