- Auglýsing -

HM: Fóru á kostum í seinni hálfleik – sjö leikir í kvöld

Spánverjinn Jennifer Maria Bermejo ógnar marki argentínska landsliðsins í upphafsleik HM í gærkvöld. Mynd/RFEBM / J.L. Recio

Spánverjar unnu stórsigur á Argentínu í upphafsleik heimsmeistaramóts kvenna í handknattleik sem hófst í Torrevieja á Spáni í gærkvöld, 29:13. Eftir fyrri hálfleik virtist ætla að verða spenna í leik þjóðanna en aðeins var eins marks munur að honum loknum, 11:10. Botninn datt hinsvegar úr leik argentínska liðsins í síðari hálfleik með þeim afleiðingum að það skoraði aðeins þrjú mörk en fékk á sig átján. Spánverjar gengu á lagið og fóru á kostum.

Spánn og Argentína leika í H-riðli ásamt Austurríki og Kína sem leiða saman hesta sína í dag kl. 17. Keppni hefst í E, F og G-riðlum mótsins í dag. Á morgun verður leikið í A, B, C og D-riðlum meðan liðin í E, F, G og H-riðlum leggja á ráðin um framhaldið.

Leikir dagsins á HM kvenna

Klukkan 17:
H – Austurríki – Kína
G – Króatía – Brasilía – sýndur á RÚV2.
E – Þýskaland – Tékkland
F – Suður Kórea – Kongó

Klukkan 19.30:
F – Danmörk – Túnis
E – Ungverjaland – Slóvakía – sýndur á RÚV2.
G – Japan – Paragvæ

- Auglýsing -
- Auglýsing -

Nýjustu fréttir

- Auglýsing -