HM: Leikir dagsins – spenna í milliriðli tvö

Leikmenn argentínska landsliðsins fagna eftir sigurinn á Króatíu á laugardagskvöld. Þeir geta komið argentíska landsliðinu í átta lið úrslit á HM í fyrsta sinn. Mynd/EPA

Úrslit eru ráðin í milliriðli eitt fyrir lokaumferðina í kvöld. Ungverjaland og Evrópumeistarar Spánar eru öruggir um sæti í átta liða úrslitum ásamt þeim fjórum liðum sem komust áfram í gærkvöld, Frakklandi, Noregi, Svíþjóð og Egyptalandi. Spenna er hinsvegar í milliriðli tvö um hvort það verður Argentína og silfurlið EM fyrir ári, Króatía, sem fylgir heimsmeisturum Dana í 8-liða úrslit.


Argentína á leik við Katar klukkan 17 í dag. Takist Suður-Ameríkumeisturunum að vinna leikinn þá halda þeir áfram keppni. Eins ef viðureigninni lýkur með jafntefli. Þar með geta Króatar aðeins jafnað Argentínu að stigum og þar sem Argentína vann viðureign liðanna á laugardagskvöld stendur Suður-Ameríkuliðið betur að vígi. Tapi Argentína fyrir Katar verða Króatar að leggja allt í sölurnar í leik sínum við Dani.

Lokaumferð í milliriðli tvö hefst á íslenskum þjálfaraslag á milli Barein, undir stjórn Halldórs Jóhanns Sigfússonar, og japanska landsliðsins sem Dagur Sigurðsson þjálfar.


Milliriðill 1:
Brasilía – Úrúgvæ, kl. 16.30
Spánn – Ungverjaland, kl. 17
Pólland – Þýskaland, kl. 19.30
Staðan:
Ungverjaland 8(4), Spánn 7(4), Þýskaland 4(4), Pólland 4(4), Brasilía 1(4), Úrúgvæ 0(4).

Milliriðill 2:
Barein – Japan, kl. 14.30
Argentína – Katar, kl. 17
Danmörk – Króatía, kl. 19.30
Staðan:
Danmörk 8(4), Argentína 6(4), Króatía 5(4), Katar 4(4), Japan 1(4), Barein 0(4).

Forsetabikarinn:
Kongó – Grænhöfðaeyjar 0:10
Túnis – Angóla, kl. 17

- Auglýsing -

Nýjustu fréttir

- Auglýsing -