Þórir Hergeirsson stýrði í kvöld norska landsliðinu til sigurs á Spánverjum í undanúrslitum heimsmeistaramóts kvenna í handknattleik, 27:21.
Evrópumeistarar Noregs mæta Ólympíumeisturum Frakka í úrslitaleik HM á sunnudaginn. Frakkar lögðu Dani fyrr í kvöld með eins marks mun, 23:22.
Norska liðið var með frumkvæðið í fyrri hálfleik í kvöld en tókst aldrei að hrista spræka Spánverja af sér og því var jafnt í hálfleik, 11:11. Í síðari hálfleik kom munurinn á liðunum greinilega í ljós. Norska liðið varðist afar vel og fékk hraðaupphlaup. Þar með var ekki að sökum að spyrja.
Þetta verður í áttunda sinn sem Noregur leikur til úrslita á HM kvenna en sjötti úrslitaleikum fransks landsliðs. Þar af verður þetta fjórði úrslitaleikur norska landsliðsins á HM með Þóri Hergeirsson sem aðalþjálfara.
Mörk Noregs: Nora Mørk 8, Kari Brattset Dale 7, Henny Reistad 3, Veronica Kristiansen 3, Sanna Solberg-Isaksen 3, Stine Bredal Oftedal 1, Marit Jacobsen 1, Maren Aardahl 1.
Mörk Spánar: Alexandrina Cabral 5, Jennifer Maria Gutierrez 3, Paula Arcos Poveda 3, Carmen Dolores Martin 2, Elisabet Cesareo Romero 2, Maitane Echeverria 1, Carmen Dolores Martin 1, Silvia Arderius Martin 1, Soledad Lopez Jimenez 1, Alicia Fernandez Fraga 1, Ainhoa Hernandez 1.
