- Auglýsing -
Fyrri tveir leikir átta liða úrslita á heimsmeistaramóti kvenna í handknattleik á Spáni fara fram í kvöld. Sigurliðin í leikjunum mætast í undanúrslitum á föstudaginn. Annað kvöld verða síðari leikir átta liða úrslita.
Gríðarleg eftirvænting ríkir í Danmörku fyrir viðureign danska og brasilíska landsliðsins sem hefst klukkan 16.30. Danska landsliðið hefur leikið afar vel á mótinu og unnið allar viðureignir sínar. Ekki dró stórsigur, 32:16, á þýska landsliðinu úr áhuga Dana fyrir kvennalandsliðinu sem gera sér vonir um að það stígi nú fram úr skugga norska landsliðsins eftir langt skeið án verðlauna.
Leikir kvöldsins
Kl. 16.30: Danmörk – Brasilía – sýndur á RÚV (aðalrás).
kl. 19.30: Spánn – Þýskaland – sýndur á RÚV2.
- Auglýsing -
