Björgvin Páll Gústavsson að verja eitt af skotum sínum i leiknum við Sviss í dag. Mynd/EPA

„Það er frekar óvenjulegt að sóknarleikurinn sé ekki betri en raun var á að þessu sinni. Ekki síst þegar litið er til þess að varnarleikurinn var mjög góður þá eigum við að geta fært okkur það betur í nyt með hraðaupphlaupum,“ sagði Björgvin Páll Gústavsson sem átti þriðja stórleikinn í röð að baki frábærrar íslenskrar varnar í tveggja marka tapi fyrir Sviss, 20:18, á heimsmeistaramótinu í handknattleik en leikið var í Dr. Hassan Moustafa íþróttahöllinni í Kaíró. Björgvin varð 12 skot á þeim 45 mínútum sem hann stóð í marki Íslands.


„Við fengum ekkert af hraðaupphlaupum í leiknum. Þar með þá skila mörkin sér ekki nema eftir uppstilltan leik og það verður að segjast eins og er að við þurftum að hafa rosalega mikið fyrir hverju marki að þessu sinni. Þar sem opin færi nýttust ekki þá var eins loftið færi aðeins úr mönnum í sókninni. Varnarleikurinn var hinsvegar frábær allan tímann en það nægði ekki,“ sagði Björgvin Páll.
 

„Viljinn var fyrir hendi hjá mönnum en okkur tókst aldrei að finna réttu blönduna. Við fórum í margar árásir í sókninni gegn klókri vörn.
Við verðum að skoða hver og einn hvað fór úrskeiðis. En það er mín skoðun að við eigum að gera kröfu um að vinna Svisslendinga. Við fengum færi til þess,“ sagði Björgvin Páll Gústavsson, markvörður.

- Auglýsing -

Nýjustu fréttir

- Auglýsing -