Harðarmenn á Ísafirði unnu í gær sinn fyrsta leik í Grill 66-deild karla þegar þeir lögðu ungmennalið Fram, 30:25, í íþróttahúsinu á Torfnesi. Fram var yfir að loknum fyrri hálfleik, 15:12. Heimamenn sneru taflinu við í síðari hálfleik og unnu kærkominn sigur.

Þetta er fyrsta árið sem Hörður sendir lið til keppni í Grill 66-deildinni og stór áfangi fyrir liðið að krækja í sinn fyrsta sigur og um leið sín fyrstu stig í deildarkeppninni eftir að hafa byrjað á tveimur tapleikjum, fyrir öðrum nýliðum deildarinnar, Vængjum Júpíters og Kríu.

Mörk Harðar: Guntis Pilpuks 7, Raivis Gorbunovs 7, Jón Ómar Gíslason 7, Daníel Wale Adeleye 2, Gísli Jörgen Gíslason 2, Tadeo Ulises Salduna 2, Þráinn Ágúst Arnaldsson 1, Ásgeir Óli Kristjánsson 1, Aleksa Stefanovic 1.

Mörk Fram u.: Þorvaldur Tryggvason 6, Aron Fannar Sindrason 4, Aron Örn Heimisson 4, Róbert Árni Guðmundsson 4, Marteinn Sverrir Bjarnason 3, Hrannar Máni Eyjólfsson 2, Stefán Orri Arnalds 2.

- Auglýsing -

Nýjustu fréttir

- Auglýsing -