Hörður frá Ísafirði sótti tvö stig í heimsókn sinni til ungmennaliðs Vals í Origohöllina í dag í Grill 66-deild karla. Í hörkuleik var niðurstaðan Ísfirðingum í hag, 36:35, eftir að tveimur mörkum hafði munað á liðunum að loknum fyrri hálfleik, 19:17. Eins og tölurnar gefa til kynna þá var sóknarleikurinn í hávegum hafður í Origohöllinni.


Benedikt Gunnar Óskarsson var að vanda aðsópsmikill í liði Vals. Hann skoraði 12 mörk. Raivis Gorbunovs lék enn og aftur við hvern sinn fingur í liði Harðar og skoraði 10 mörk.


Hörður er kominn með níu stig í deildinni eins og mál standa um þessar mundir þegar liðið hefur lokið 12 leikjum. Ungmennalið Vals er í þriðja sæti með 17 stig og er fimm stigum á eftir Víkingi og HK sem eru í efstu sætunum tveimur jöfn að stigum.


Mörk Vals U.: Benedikt Gunnar Óskarsson 12, Tómas Sigurðsson 9, Andri Finnsson 6, Áki Hlynur Andrason 3, Breki Hrafn Valdimarsson 3, Óðinn Ágústsson 1, Sigurður Bjarni Thoroddsen 1.
Mörk Harðar: Raivis Gorbunovs 10, Guntis Pilpuks 6, Endijs Kusners 6, Aleksa Stefanovic 5, Óli Björn Vilhjálmsson 3, Þráinn Ágúst Arnaldsson 2, Ásgeir Óli Kristjánsson 1, Tadeo Ulise Salduna 1, Daníel Wale Adeleye 1, Jón Ómar Gíslason 1.

- Auglýsing -

Nýjustu fréttir

- Auglýsing -