- Auglýsing -

Hrikalega sáttur

Sigvaldi Björn Guðjónsson að skora eitt átta marka sinn í kvöld. Mynd/Hafliði Breiðfjörð

„Þetta var hrikalega erfiður leikur og þess vegna er ég afar ánægður með sigurinn. Hollendingar léku mjög vel og voru virkilega erfiðir,“ sagði Sigvaldi Björn Gunnarsson markahæsti leikmaður íslenska landsliðsins í sigurleiknum á Hollandi, 29:28, í annarri umferð B-riðils Evrópumótsins í handknattleik í kvöld. Sigvaldi Björn skoraði 8 mörk í 10 skotum og var annan leikinn í röð valinn besti leikmaður íslenska liðsins.



„Fimm einn vörn Hollendinga olli okkur miklum erfiðleikum lengi vel. Janus Smári [Daðason] kom inn í sóknarleikinn þegar á leið. Hann náði að opna fyrir okkur og þannig fengum við nokkur auðveld mörk.

Guðmundur Þórður Guðmundsson með þandar taugar á lokakafla leiksins. Mynd/Hafliði Breiðfjörð


Síðustu 30 sekúndurnar voru mjög erfiðar þegar við vorum manni færri hlaupandi um völllin til að skapa okkur færi en um leið að gæta þess að tapa ekki boltanum. Kannski vorum við heppnir. Ég skal ekki um það segja
Við vorum í erfiðleikum þegar á leið síðari hálfleikinn. Ég veit ekki af hverju við misstum forskotið niður. Það er eitthvað sem við verðum að skoða.

En fyrst og síðast er ég sáttur og rúmlega það með sigurinn og með að hafa unnið tvo fyrstu leikina í mótinu. Næst er að safna kröftum fyrir næsta leik sem verður á þriðjudaginn,“ sagði Sigvaldi Björn Guðjónsson, leikmaður íslenska landsliðsins eftir sigurinn á Hollendingum í kvöld.

- Auglýsing -
- Auglýsing -

Nýjustu fréttir

- Auglýsing -