- Auglýsing -

HSÍ leitar til þjóðarinnar um stuðning

Leikmenn íslenska landsliðsins þakka áhorfendum stuðninginn eftir sigurinn á Svartfellingum á miðvikudagskvöld. Mynd/Hafliði Breiðfjörð

Handknattleikssamband Íslands leitar til þjóðarinnar um að hlaupa undir bagga vegna tuga milljóna króna viðbótarkostnaðar sem hefur hlotist af þátttöku íslenska landsliðsins á Evrópumeistaramótinu í handknattleik karla. Þess vegna hefur HSÍ opnað styrktarsíðu á heimasíðu sinni þar sem hægt er að láta af hendi rakna frá 2.500 til 10.000 krónur.

Kátir eftir góðan sigur á EM. F.v.: Viktor Gísli Hallgrímsson, Daníel Þór Ingason, Sigvaldi Björn Guðjónsson og Orri Freyr Þorkelsson. Mynd/Hafliði Breiðfjörð


Viðbótarkostnaðurinn er allur kominn til vegna kórónuveirufaraldursins og er kostnaðurinn langt umfram áætlanir, eftir því segir í tilkynningu HSÍ.
Viðbótarútgjöld felast m.a. við hótelbúbblu á Íslandi í 10 daga, fámennu leiguflugi út, auknum sóttvörnum á hóteli liðsins í Búdapest og vegna þess að kalla hefur þurft eftir fjölda leikmanna til að mæta þeim áföllum sem leikmannahópurinn hefur orðið fyrir á síðustu dögum.


Til að styrkja sambandið er hægt að fara inn í netverslun HSÍ og velja styrki upp á 2.500 kr, 5.000 kr og 10.000 sem renna óskipitir til HSÍ.


Tengill á styrkarvef HSÍ, smellið hér. Styrktarupphæðir er að finna hægra megin á síðunni, 2.500, 5.000 og 10.000 kr.


„Hafi einstaklingar eða fyrirtæki áhuga á að styrkja um aðra upphæð er hægt að hafa samband við Kjartan Vídó, markaðsstjóra HSÍ með tölvupósti kjartanv@hsi.is,“ segir ennfremur í tilkynningu Handknattleikssambands Íslands.

Gunnar Magnússon, aðstoðarþjálfari landsliðsins t.v. og Guðmundur Þórður Guðmundsson, landsliðsþjálfari. Mynd/Hafliði Breiðfjörð

- Auglýsing -
- Auglýsing -

Nýjustu fréttir

- Auglýsing -