Andreas Michelmann, forseti þýska handknattleikssambandsins hefur komið Alþjóða handknattleikssambandinu og Egyptum, sem skipuleggja HM karla í janúar, til varnar. Margir innan þýska handboltans hafa á undanförnum vikum lýst yfir efasemdum sínum um að rétt sé að HM fari fram og nokkur hópur vill að mótið verði fellt niður.

„Hugsið ykkur ef við væru gestgjafar HM2021 og myndum gera allt til þess að tryggja sóttvarnir og „búbblur“. Að engu yrði til sparað til þess að tryggja öryggi og heilsu þátttakenda. Hvað myndum við segja ef til dæmis Spánverjar, Frakkar og Norðurlandaþjóðirnar segðu einum rómi, við viljum ekki koma til Þýskalands? Það félli örugglega ekki í kramið hjá okkur,“ segir Michelmann í samtali við Frankfurter Allgemeine Zeitung í dag.

„Skipuleggjendur keppninnar eru að gera allt sem þeir geta til þess að koma í veg fyrir að kórónuveiran banki á dyr mótsins. Þeir leggja sig alla fram og taka starf sitt við undirbúninginn mjög alvarlega,“ segir Michelmann.

- Auglýsing -

Nýjustu fréttir

- Auglýsing -