- Auglýsing -

Hver verður andstæðingur KA/Þórs?

Andri Snær Stefánsson, þjálfari KA/Þórs, og leikmenn naga sig í handarbökin eftir jafntefli við Stjörnunar í gærkvöld. Mynd/Egill Bjarni Friðjónsson

Dregið verður í fyrramálið í þriðju umferð, 32-liða úrslit, Evrópubikarkeppni kvenna í handknattleik þar sem nafn KA/Þórs verður í einni af skálunum fjórum sem dregið verður upp úr í höfuðstöðvum Handknattleikssambands Evrópu í Vínarborg. KA/Þór, sat yfir í fyrstu tveimur umferðum keppninnar.


Ráðgert er að fyrri leikir þriðju umferðar fari fram helgina 14. og 15. nóvember og síðari umferðin viku síðar. Þá er bara spurning hvernig ástandið á kórnuveirunni verður og hvort KA/Þór geti tekið þátt.
Búið er skipta liðunum niður í fjóra átta liða potta. KA/Þór er í einum þeirra og getur dregist á móti eftirfarandi liðum:


Club Balonmano Elche, Spáni.
Colegio de Gaia/Colgaia-Toyota, Portúgal.
DHC Slavia Prag, Tékklandi.
HC Lokomotiva Zagreb, Króatíu.
Jomi Salerno, Ítalíu.
JuRo Unirek VZV, Hollandi.
LK Zug Handball, Sviss.
ROOMZ Hotels ZV Wiener Neustadt, Austurríki.


Með KA/Þór í styrkleikaflokki eru:
Alì-Best Espresso Mestrino, Ítalíu, Club Balonmano Atletico Guardes, Spáni, Handball Kaerjeng, Lúxemborg, KHö7 BM. Granolles, Spáni, Rocasa Gran Canaria, Spáni, SPONO Eagles, Sviss og Rincon Fertilidad Málaga, Spáni, en það átti að mæta Val í annarri umferð. Af viðureign þeirra varð ekki þar sem Valur dró lið sitt úr keppni vegna kórónuveirufaraldursins.


Þessu til viðbótar eru síðan tveir aðrir átta liða pottar sem verða dregnir saman.
Þar eru: A.C. PAOK, Grikklandi, Azeryol HC, Aserbadsjan, COR Victoria-Berestie, Hvíta-Rússlandi, HZRK Grude, Bosníu, KHF Ferizaj, Kósóvó, Yalikavaksports Club, Tyrklandi, ZORK Jagodina, Serbíu, ZRK Kumanovo, Norður- Makedóníu í öðrum pottinum.


HC Galychanka Lviv, Úkraínu, Izmir BSB SK, Tyrklandi, Kavallieri RS2, Möltu, KHF Istogu, Kósóvó, Muratpasa Belediyesi SK, Tyrklandi, ORK Rudar, Svartfjallalandi, ZRK Bjelovar, Króatíu og ZRK Naisa Nís, Serbíu í hinum pottinum.

- Auglýsing -
- Auglýsing -

Nýjustu fréttir

- Auglýsing -