Hverjum mæta FH-ingar?

FH-ingarnir Phil Döhler og Ásbjörn Friðriksson léku báðir vel gegn Gróttu í dag. Mynd/Skapti Hallgrímsson, akureyri.net

Nú liggur fyrir hvaða liðum karlalið FH í handknattleik getur mætt í 3. umferð Evrópubikarkeppninnar (áður Áskorendakeppni Evrópu) þegar dregið verður fyrir hádegi á morgun. Eftir eru 32 lið í keppninni og hefur þeim verið skipt niður í tvo flokka. Innan hvors flokks eru tveir pottar. FH er í fyrsta flokki í potti eitt og mun dragast gegn liðum úr potti tvö í fyrsta flokki.

Liðin sem FH getur dregist á móti eru:
Ystads IF, Svíþjóð.
HC Robe Zubri, Tékklandi.
SC Kelag Ferlach, Austurríki.
ZRHK Tenax Dobele, Lettlandi.
SG Insignis HB West Wien.
RK Gorenje Velenje, Slóveníu.
Pölva Serviti, Eistlandi.
Granitas- Karys, Litháen


FH sat yfir í tveimur fyrstu umferðum keppninnar.

Afturelding átti að leika gegn Granitas-Karys í annarri umferð en hætti við þátttöku vegna útbreiðslu kórónuveirunnar.

Til stendur að leikir þriðju umferðar fari fram helgarnar 12. og 13. desember og 19. og 20. desember.

Karla,- og kvennalið Vals, karlalið Aftureldingar og kvennalið KA/Þórs voru öll skráð til leiks á Evrópumótum félagslið í sumar en hættu eitt af öðru við þátttöku vegna útbreiðslu kórónuveirunnar.

- Auglýsing -

Nýjustu fréttir

- Auglýsing -