Keppni á Íslandsmótinu er hér á landi er komin langt aftur úr áætlun. Mynd/Skapti Hallgrímsson, akureyri.net
  • Ísland: Takmarkaðar æfingar – keppni á Íslandsmótinu liggur niðri að skipun heilbrigðisyfirvalda. Nærri þriðjungur eftir af keppni í Olísdeild karla, tvær umferðir í Olísdeild kvenna, svipað í Grill 66-deildunum. Úrslitakeppni Olísdeildar óleikin. Umspil um sæti í Olísdeildum er eftir. Coca Cola-bikarkeppnin svo að segja óleikin. Að óbreyttri áætlun verða Íslandsmeistarar kvenna krýndir 2. júlí og 24. júlí í karlaflokki. Kvennalandsliðið æfir samkvæmt undanþágu fyrir HM umspilsleiki í síðar í þessum mánuði.
  • Færeyjar: Deildarkeppni lokið. Bikarkeppni er lokið. Úrslitakeppni langt komin og undanúrslitum lauk um páskahelgina. Fyrstu úrslitaleikir um meistaratitilinn í karla-, og kvennaflokki verða á sunnudaginn, mögulega fimm leikir með þeim síðustu 24. apríl hjá báðum kynjum. Takmarkaður fjöldi áhorfenda á leikjum eftir að áhorfendabann ríkti um skeið. Landsleikur karla fór fram í Þórshöfn í mars að viðstöddum nokkrum hundruðum áhorfenda án þess að draga dilk á eftir sér.
  • Noregur: Ekkert hefur verið leikið í tveimur efstu deildum síðan upp úr miðjum janúar. Keppni í úrvalsdeild karla hefur verið slaufað og lokastaðan tekin eftir fyrri hluta deildarkeppninnar er lokið. Nokkrir leikir eftir í úrvalsdeild kvenna sem vonir standa til að hægt verði að ljúka svo hægt verði að gera upp deildarkeppnina eftir fyrri umferð. Vonir standa til að hægt verði að leika úrslitakeppni í lok apríl og í maí. Eins að hægt verði að ljúka umspili á milli efstu og næst efstu deilda karla og kvenna. Bikarkeppni lokið. Ef úrslitakeppni verður leikin skal henni verða lokið fyrir byrjun júní vegna undirbúnings landsliða beggja kynja fyrir Ólympíuleikana í sumar.
  • Danmörk: Deildarkeppni karla og kvenna er lokið. Úrslitakeppni kvenna er komin nokkuð á leið og eins umspil um sæti í úrvalsdeild. Úrslitakeppni karla hefst um næstu helgi og eins umspilskeppni um sæti í úrvalsdeild. Tvær umferðir eru eftir í 1. deild karla og ein í 1. deild kvenna. Eftir það tekur við umspil. Bikarkeppni karla frá síðasta ári lauk í haust. Ekki er annað að sjá en að meistarar karla og kvenna verði krýndir samkvæmt áætlun í maí.
  • Svíþjóð: Deildarkeppni er fyrir nokkru lokið. Úrslitakeppni úrvalsdeilda karla og kvenna komin vel áleiðs, fjögurra liða úrslit hafin eða við það að hefjast hjá báðum kynjum. Sömu sögu er að segja um keppni í neðri hluta úrvalsdeildar eða í næst efstu deild. Ekki er annað að sjá en að meistarar karla og kvenna verði krýndir samkvæmt áætlun í maí.
  • Þýskaland: Keppni í úrvalsdeild kvenna er langt komin. Dagskrá í efstu deild karla er nokkuð á eftir vegna þess að flest lið hafa farið einu sinni og sum oftar í sóttkví. Sömu sögu að segja um 2. deild karla. Keppni í 2. deild kvenna hefur nokkurn vegin gengið samkvæmt áætlun. Engin bikarkeppni karla en byrjað var á 16-liða bikarkeppni kvenna þar sem úrslitahelgi fjögurra liða er eftir. Í karlaflokki stendur til að ljúka bikarkeppni karla frá síðasta ári í vor. Bikarkeppni karla fyrir tímabilið 2020/2021 var felld niður.
  • Frakkland: Keppni í efstu deild karla er nokkuð á eftir áætlun vegna sóttkvía hjá mörgum liðum í vetur. Keppni í 1. deild karla má heita á áætlun. Umspil eða úrslitakeppni eftir auk fimm umferða í deildinni. Keppni í úrvalsdeild kvenna er nokkuð á áætlun.
  • Spánn: Keppni gengur að mestu samkvæmt áætlun í efstu deildum karla og kvenna. Svipaða sögu er að segja um deildakeppni í flestum löndum austuhluta Evrópu þótt dagskrá hafi á tíðum riðlast vegna sóttkvíar og smita hjá mörgum liðum.
  • Evrópumót félagsliða þ.e. Meistaradeild karla og kvenna, Evrópudeild karla og kvenna og EHF-bikarinn gengur samkvæmt áætlun þótt fella hafi þurft niður einstaka leiki eða einfalda framkvæmd þeirra með því að leika á einum stað í stað tveggja, þ.e. heima og að heiman. Ekkert bendir til annars en að leikið verði til úrslita í öllum mótum samkvæmt áætlun, þ.e. í síðari hluta maí og í byrjun júní.
  • Eystrasaltskeppni félagsliða karla – úrslithelgin er á næstu grösum.
  • Austur-Evrópudeild félagsliða karla er leikin þótt nokkur sterk lið keppninnar á síðustu árum hafi kosið að draga sig út og hleypa öðrum að.
- Auglýsing -

Nýjustu fréttir

- Auglýsing -