Hvorki gengur né rekur

Lið Ribe-Esbjerg. Íslendingarnir þrír eru framarlega á myndinni, Gunnar Steinn Jónsson, Daníel Þór Ingason og Rúnar Kárason. Mynd/Ribe Esbjerg

Íslendingaliðið Ribe-Esbjerg tapaði í dag sínum fjórða leik í dönsku úrvalsdeildinni í handknattleik þegar það heimsótti Mors-Thy, 22:21. Ribe-Esbjerg er þar með enn á meðal neðstu liða deildarinnar, hefur tvö stig að loknum fimm leikjum sem er sennilega fyrir neðan væntingar.

Rúnar Kárason átti að vanda góðan leik fyrir Ribe-Esbjerg. Hann skoraði fjögur mörk í sjö skotum og átti auk þess tvær stoðsendingar. Gunnar Steinn Jónsson skoraði þrjú mörk og notaði til þess fimm skot. Hann var með þrjár stoðsendingar til viðbótar. Daníel Þór Ingason lét til sín taka í vörninni að vanda en kom lítið við sögu í sóknarleiknum eins og verið hefur.

- Auglýsing -

Nýjustu fréttir

- Auglýsing -