Í uppsiglingu er að herða sóttvarnir

Þórólfur Guðnason, sóttvarnalæknir, boðaði til hertari aðgerðir um land allt í baráttunni gegn kórónuveirunni á blaðamannfundi Almannavarna í dag. Hann vinnur að minnisblaði sem sent verður til heilbrigðisráðherra síðar í dag eða í fyrramálið. Hertar reglur gætu staðið yfir í tvær til þrjá vikur frá þeim tíma sem þær taka gildi.

Ósk hans væri að þær taki gildi sem allra fyrst og næðu til alls landsins m.a. í ljósi vaxandi þunga í smitum á Norðurlandi. Útfærsla á tillögum Þórólfs liggur ekki fyrir og þess vegna var hann ekki reiðubúinn að ræða þær frekar.


Hertar reglur munu vafalítið hafa áhrif á æfingar íþróttfélaga um land allt og koma við æfingar meistaraflokka í handbolta sem hófust að vissu marki á höfuðborgarsvæðinu í síðustu viku. Í byrjun þessarar viku voru einnig slakað á reglum um innanhússæfingar hjá unglingum fæddum 2005 og fyrr.

Skýrt kom fram á fundinum í morgun að stefnt sé að færri undanþágum frá reglum og að “gráum svæðum” í nýrri reglugerð verði fækkað.

Vikur í að keppni hefjist aftur


Hertar reglur munu vafalaust seinka því keppni hefjist á nýjan leik á Íslandsmótinu í handknattleik en stefnt hefur að því flautað verði til leiks á ný um miðjan nóvember. Með hertum reglum frá og með komandi helgi og í allt að þrjá vikur verður vafalaust til þess að keppni hefst ekki á ný fyrr en í fyrsta lagi um mánaðarmótin nóvember og desember.


Þórólfur sagði samfélagslegt smit hafa færst í vöxt undanfarna daga og því væri alls ekki tilefni til að slaka á aðgerðum þegar núverandi reglugerð rennur út 3. nóvember.

Lesendur eru minntir á að forðast hópamyndun, huga að reglulegum og góðum handþvotti og til notkunar á handspritti, að þeir virði fjarlægðamörk og beri grímur á sem flestum stöðum þar sem almenningur kemur saman s.s. í matvöruverslunum.

- Auglýsing -

Nýjustu fréttir

- Auglýsing -