Í fyrramálið kemur í ljós hvaða andstæðingi ÍBV mætir í 16-liða úrslitum Evrópbikarkeppninnr. Mynd/Þóra Sif Kristinsdóttir

Báðar viðureignir ÍBV og gríska liðsins AEP Panorama í 32-liða úrslitum Evrópubikarkeppni kvenna í handknattleik fara fram í Vestmannaeyjum. Að sögn Vilmars Þórs Bjarnasonar, framkvæmdastjóra handknattleiksdeildar ÍBV, hafa félögin komið sér saman um að leikirnir verði föstudaginn 19. nóvember kl. 18.30 og laugardaginn 20. nóvember kl. 13.


Íslensku liðin þrjú sem eftir eru í Evrópubikarkeppninni fara þar með hvert sína leið í næstu umferð.


KA/Þór sem einnig er í 32-liða úrslitum Evrópubikarkeppninnar í kvennaflokki leikur í tvígang ytra gegn CB Elche frá Alicante á Spáni 20. og 21. nóvember.


Karlalið Hauka leikur heima og að heiman gegn rúmenska liðinu CSM Focsani í 32-liða úrslitum Evrópubikarkeppninar. Fyrri viðureignin fer fram í Focsani 27. nóvember og sú seinni á Ásvöllum 4. desember kl. 17.30.


ÍBV vann frækinn sigur á PAOK í seinni viðureign liðanna af tveimur í Þessalóníku sunnudaginn 21. okótóber í annarri umferð Evrópubikarkeppninnar og tryggði sér þar með sæti í 32-liða úrslitum. AEP Panorama, sem er einnig frá Þessalóníku, lék viðureignir sínar við félag frá Aserbaídsjan sömu helgi og í sama íþróttahúsi og ÍBV og PAOK mættust.

- Auglýsing -

Nýjustu fréttir

- Auglýsing -