Ungmennalið ÍBV setti strik í reikninginn hjá ÍR í toppbaráttunni í Grill66-deild kvenna í dag þegar það gerði sér lítið fyrir og lagði ÍR-inga örugglega, 33:29, í Íþróttamiðstöðinni í Vestmannaeyjum. ÍBV var fimm mörkum yfir í hálfleik, 17:12. Þetta var aðeins annar sigur Eyjaliðsins í deildinni.


ÍR varð hinsvegar af mikilvægum stigum í toppbaráttunni en með sigri hefði Breiðholtsliðið komist upp að hlið FH í efsta sæti. Ekkert varð úr því og ÍR-ingar sitja þar með áfram í þriðja sæti með sjö stig eftir sex leiki, stigi á undan Víkingi sem er í fjórða sæti. Víkingur á leik til góða en til stendur að Víkingar sæki ungmennalið Vals heim annað kvöld.

Mörk ÍBV: Sara Dröfn Richardsdóttir 9, Þóra Björg Stefánsdóttir 6, Aníta Björk Valgeirsdóttir 5, Amelía Dís Einarsdóttir 5, Sara Sif Jónsdóttir 5, Helena Jónsdóttir 3.
Mörk ÍR: Ksenija Dzaferovic 8, Karen Tinna Demian 7, Fanney Ösp Finnsdóttir 6, Auður Margrét Pálsdóttir 4, Stefanía Ósk Hafberg 3, Matthildur Lilja Jónsdóttir 1.


Stöðuna og næstu leiki í Grill66-deild kvenna er að finna hér.

- Auglýsing -

Nýjustu fréttir

- Auglýsing -