Tandri Már Konráðsson og Eva Björk Davíðsdóttir ásamt tveimur börnum í nýjum búningi Stjörnunnar. Mynd/kgp.is

Allir iðkendur hjá handknattleiksdeild Stjörnunnar á næsta keppnistímabili fá nýjan keppnisbúning, eftir því fram kemur í tilkynningu deildarinnar. Kemur það m.a. til móts við foreldra vegna hækkunnar á æfingagjöldum en einnig með það að markmiði að samræma keppnisbúninga iðkenda frá yngstu flokkum og upp í meistaraflokka.


„Það er kominn tími á endurnýjun búninga þar sem að iðkendur eru í mismunandi búningum í keppni. Búningar hafa breyst með tímanum og merkingar samstarfsaðila hafa jafnframt tekið breytingum. Þetta ætti að koma sér vel þar sem að Aðalstjórn og framkvæmdastjórn Stjörnunnar hafa ákveðið að hækka öll æfingagjöld miðað við vísitölu sem er ca 4.4%,“ segir Pétur Bjarnason, formaður handknattleiksdeildar Stjörnunnar í tilkynningu á Kópavogs-& Garðapóstinum, kgp.is.


„Það verður nýtt útlit á búningum handboltans í vetur og verða þeir eins frá þeim yngstu uppí meistarflokka. Það er von okkar að þessi aðgerð skili ánægju og stolti og bindum við vonir um að deildin okkar stækki í vetur,“ er ennfremur haft eftir Pétri formanni á kgp.is.

- Auglýsing -

Nýjustu fréttir

- Auglýsing -