Mynd/Egill Bjarni Friðjónsson

Handknattleiksdeild ÍR geinir frá því á Facebook í kvöld að hún hafi í dag kært framkvæmd leiks ÍR og Harðar í Grill66-deild karla sem fram fór í Austurbergi í gær. Ástæða kærunnar er röng skýrslugerð fyrir leikinn, eftir því sem segir í yfirlýsingu ÍR sem lesa má hér fyrir neðan.


„Í kjölfar leiksins hefur handknattleiksdeild ÍR ákveðið að kæra framkvæmd leiksins, vegna rangrar skýrslugerðar fyrir leik. Lög handknattleikssambandsins eru skýr og telur ÍR það mikilvægt að fá botn í málið, til að tryggja að framkvæmd og umgjörð sé ávallt í lagi.


Undirritaðri leikskýrslu sem skilað hafði verið á ritaraborð má ekki breyta, né villa viljandi fyrir. Með þessum hætti geta félög villt fyrir andstæðingum sínum og blekkt þá með röngum upplýsingum.


ÍR mun ekki tjá sig um málið frekar. Við treystum ferli HSÍ og setjum málið alfarið í þeirra hendur.“

- Auglýsing -

Nýjustu fréttir

- Auglýsing -