- Auglýsing -

ÍR-ingar gefa ekkert eftir – með fjögurra stiga forskot

Matthías Imsland formaður handknattleiksdeildar ÍR og Karen Tinna Demian sem skoraði 13 mörk gegn Fjölni/Fylki í kvöld. Mynd/ÍR

ÍR vann í kvöld annan leik sinn í vikunni í Grill66-deild kvenna í handknattleik er það sótt ungmennalið Fram heim í Safamýri, 24:22, eftir að hafa verið marki yfir að loknum fyrri hálfleik, 10:9. Á þriðjudagskvöld vann ÍR lið FH í Krikanum, 24:20. Sigurinn í kvöld er sá þriðji í röð á útivelli hjá ÍR-ingum.


ÍR hefur þar með 17 stig eftir tíu leiki og er með fjögurra stiga forskot á Selfoss sem er í öðru sæti. Selfoss á tvo leiki til góða á ÍR-inga.

Um var að ræða hörkuleik í Framhúsinu í kvöld. Karen Tinna Demian var allt í öllu í ÍR-liðinu og skoraði 10 mörk og línukonan öfluga Stefanía Ósk Hafberg var næst með fimm mörk. Gekk leikmönnum Fram illa að hemja hana. Tinna Valgerður Gísladóttir var atkvæðamest í liði Fram. Hún skoraði sjö mörk.


Þetta var síðasti leikur beggja liða á árinu.


Mörk Fram: Tinna Valgerður Gísladóttir 7, Erna Guðlaug Gunnarsdóttir 4, Svala Júlía Gunnarsdóttir 4, Sóldís Ragnarsdóttir 3, Íris Anna Gísladóttir 3, Margrét Castillo 1.
Mörk ÍR: Karen Tinna Demian 10, Stefanía Ósk Hafberg 5, Hildur María Leifsdóttir 3, Laufey Lára Höskuldsdóttir 3, Fanney Ösp Finnsdóttir 2, Ksenija Dzafervic 1.

Stöðuna og næstu leiki í Grill66-deild kvenna má sjá hér.

- Auglýsing -
- Auglýsing -

Nýjustu fréttir

- Auglýsing -