Íslandsmeistararnir öngla í hægri hornamann

Bergur Elí Rúnarsson t.h. ásamt Snorra Steini Guðjónssyni þjálfara Íslands- og bikarmeistara Vals. Mynd/Valur

Íslands- og bikarmeistarar Vals í handknattleik karla hafa samið við Berg Elí Rúnarsson. Hefur Bergur Elí skrifað undir tveggja ára samning við Hlíðarendaliðið.


Bergur Elí, sem er fæddur 1995, er hægri hornamaður sem kemur til félagsins frá uppeldisfélagi sínu FH en hann hefur í gegnum tíðina einnig leikið með KR og Fjölni.


„Hann verður góð viðbót við hópinn sem mun standa í ströngu á mörgum vígstöðum næsta vetur,“ segir m.a. í tilkynningu handknattleiksdeildar Vals sem send var út í hádeginu í dag.


Bergur Elí er annar leikmaðurinn sem gengur til liðs við karlalið Vals fyrir komandi leiktíð. Í júní skrifaði Valur undir samning við Aron Dag Pálsson.


a>
- Auglýsing -

Nýjustu fréttir

- Auglýsing -