- Auglýsing -

Íslendingalið fær ríkisaðstoð

Ýmir Örn Gíslason leikmaður Rhein-Neckar Löwen í Þýskalandi. Mynd/Rhein-Neckar Löwen.

Þýska handknattleiksliðið Rhein-Neckar Löwen, sem íslensku landsliðsmennirnir Alexander Petersson og Ýmir Örn Gíslason leika með, hefur fengið 800.000 evrur í ríkisaðstoð síðan kórónuveirfaraldurinn reið yfir. Þessi upphæð nemur um 123 milljónum króna.

Þetta kemur fram í viðtali Jennifer Kettemann, framkvæmdastjóra félagsins, við Manneheimer Morgen í dag. Kettemann segir að stuðningurinn hafi reynst félaginu lífsnauðsynlegur. Tekjur félagsins hafa hrapað síðan faraldurinn braust út snemma á þessu ári. Má þar með m.a. rekja til að engir áhorfendur hafa mátt koma á heimaleiki liðsins á þessari leiktíð. Þá hafi síðasta tímabil endað mjög skyndilega og tekjur af kappleikjum orðið að engu á sama tíma og útgjöld hafi verið óbreytt.

Þýska ríkið hefur m.a. aðstoðað íþróttafélög í landinu á síðustu árum m.a. með því að greiða þeim ákveðiði hlutfall af áætluðum tekjum á miðasölu á kappleiki. Flest félög bjuggu við mjög miklar takmarkanir á fjölda áhorfenda á fyrstu vikum deildarkeppninnar í haust. Sum við algjöra lokun. Frá 1. nóvember hefur öllum félögum ekki verið heimilt að selja áhorfendum aðgang að leikjum.

- Auglýsing -
- Auglýsing -

Nýjustu fréttir

- Auglýsing -