Arnar Birkir Hálfdánsson leikmaður EHV Aue í Þýskalandi. Mynd/EHV Aue

EHV Aue er komið á blað í þýsku 2. deildinni í handknattleik eftir sigur á Lübeck-Schwartau, 26:24, á útivelli í gærkvöld. Arnar Birkir Hálfdánsson skoraði fjögur af mörkum Aue-liðsins sem tryggði sér sigurinn með því að skora tvö síðustu mörk leiksins sem var afar jafn frá upphafi til enda.


Áki Egilsnes, sem lék í fjögur ár með KA en gekk til liðs við EHV Aue í sumar, átti eitt mark skot sem geigaði. Sveinbjörn Pétursson stóð í marki Aue í um stundarfjórðung og varði tvö skot.


Anton Rúnarsson og félagar í TV Emsdetten töpuðu á heimavelli fyrir Nordhorn sem féll úr 1. deild í vor, 28:24. Anton átti eitt markskot sem missti marks auk einnar stoðsendingar. Emsdetten er eins og EHV Aue með tvö stig eftir tvær fyrstu umferðir deildarinnar.


Fimm lið hafa unnið báða leiki sína til þessa, þar á meðal Gummersbach sem Guðjón Valur Sigurðsson þjálfar og Eyjamennirnir Elliði Snær Viðarsson og Hákon Daði Styrmisson leika með.

- Auglýsing -

Nýjustu fréttir

- Auglýsing -