Viktor Gísli Hallgrímsson, markvörður íslenska landsliðsins og danska úrvalsdeildarliðsins GOG á Fjóni. Mynd/EPA

Viktor Gísli Hallgrímsson, landsliðsmarkvörður, og samherjar hans í GOG fögnuðu góðum sigri í kvöld á Bjerringbro/Silkeborg, 36:31, í dönsku úrvalsdeildinni í handknattleik en leikið var á heimavelli síðarnefnda liðsins. GOG var marki yfir að loknum fyrri hálfleik, 18:17.

Bjerringbro/Silkeborg sló þýska liðið Melsungen, sem Guðmundur Þórður Guðmundsson þjálfar, út í Evrópudeildinni á síðasta sunnudag.

Óðinn Þór Ríkharðsson var einnig í sigurliði í kvöld. TTH Holstebro vann þá stóran sigur á grannliði sínu Mors Thy, 35:24, á heimavelli. Aðeins munaði einu marki á liðunum að loknum fyrri hálfleik, 17:16. Óðinn Þór skoraði tvö mörk fyrir TTH úr þremur skotum.

Viktor Gísli stóð lengst af leiksins í marki GOG. Hann varði átta skot, þar af eitt vítakast og var með liðlega 24% hlutfallsmarkvörslu.

GOG og TTH eru ásamt Aalborg, Skanderborg og SönderjyskE með fjögur stig þegar tvær umferðir eru búnar af deildarkeppninni.

- Auglýsing -

Nýjustu fréttir

- Auglýsing -