Íslendingar áberandi í liði lokaumferðarinnar

Bjarki Már Elísson hefur átt afar góðu gengi að fagna hjá Lemgo. Mynd/Aðsend

Tveir íslenskir handknattleiksmenn eru í liði lokaumferðar þýsku 1. deildarinnar í handknattleik sem lauk á sunnudaginn. Annarsvegar Bjarki Már Elísson vinstri hornamaður hjá Lemgo og hinsvegar Viggó Kristjánsson, örvhenta skyttan í herbúðum Stuttgart.


Bjarki Már fór á kostum á heimavelli á sunnudaginn þegar Lemgo vann Magdeburg, 32:27. Hann skorað 15 mörk í 16 skotum. Fimm marka sinna skoraði Bjarki úr vítaköstum.

Viggó Kristjánsson landsliðsmaður í handknattleik og leikmaður Stuttgart. Mynd/EPA


Viggó skoraði 9 mörk í 13 skotum fyrir Stuttgart í jafntefli við MT Melsungen sem Guðmundur Þórður Guðmundsson þjálfar og Arnar Freyr Arnarsson leikur með, 26:26. Tvö marka sinna skoraði Viggó úr vítaköstum. Einnig átti hann fjórar stoðsendingar.

Viggó var fjórum sinnum í liði umferðarinnar á leiktíðinni og er nú einn þeirra sem koma til greina í kjöri sjónvarpsstöðvarinnar Sky á leikmanni ársins í deildinni. Sky á réttinn á sýningum frá leikjum þýsku 1. deildarinnar í Þýskalalandi.

- Auglýsing -

Nýjustu fréttir

- Auglýsing -