Guðjón Valur Sigurðsson, þjálfari Gummersbach, og Hákon Daði Styrmisson. Mynd/Philipp Ising

Íslendingar fögnuðu sigri í toppslag þýsku 2. deildarinnar í handknattleik í kvöld þegar Gummersbach lagði Tusem Essen á heimavelli, 29:23. Essen, sem er eitt þeirra félaga sem Guðjón Valur Sigurðsson núverandi þjálfari Gummersbach lék með á sínum glæsilega handknattleiksferli, var í öðru sæti deildarinnar stigi á eftir Gummersbach fyrir viðureignina í dag.


Hákon Daði Styrmisson skoraði fjögur mörk úr sex skotum, ekkert úr vítakasti, fyrir Gummersbach og sveitungi hans úr Vestmannaeyjum, Elliði Snær Viðarsson, skorað tvö mörk fyrir utan að vera fastur fyrir í vörninni að vanda. Einnig átti Elliði Snær eina stoðsendingu.


Gummersbach liðið lék afar vel í dag. Leikmenn Tusem Essen voru skrefi á eftir frá byrjun til enda. Fimm marka munur var að loknum fyrri hálfleik, 13:8, og í raun aldrei vafi hvorum meginn sigurinn félli eins og Gummersbachliðið lék að þessu sinni.


Gummersbach hefur nú þriggja stiga forskot í efsta sæti deildarinnar, 16 stig, þegar níu leikjum er lokið.

- Auglýsing -

Nýjustu fréttir

- Auglýsing -