Íslendingaslagur í Þórshöfn

Mynd/Neistin

Sannkallaður Íslendingaslagur var í dag í fyrstu umferð færeysku úrvalsdeildarinnar í handknattleik karla þegar Neistin og KÍF frá Kollafirði leiddu saman hesta sína í Höllin á Hálsi í Þórshöfn

Arnar Gunnarsson tók við þjálfun Neistans í sumar og fagnaði sigri í sínum fyrsta leik við stjórnvölinn, 28:27. Neistamenn voru tveimur mörkum yfir í hálfleik, 13:11.

Finnur Hansson er aðstoðarþjálfari og leikmaður liðsins Neistans.

Með KÍF leikur Akureyringurinn Hörður Fannar Sigþórsson og hefur gert undanfarin ár.

Eftir því sem næst verður komist var Neistin með yfirhöndina frá upphafi til enda í dag. Finnur kom við sögu í leiknum en skoraði ekki mark. Hörður Fannar skoraði hinsvegar í tvígang fyrir KÍF.

Neistin leikur næst við STÍF frá Runavík eftir viku í Þórshöfn. Hörður Fannar og félagar í KÍF mæta Team Klaksvík á heimavelli á miðvikudaginn.

- Auglýsing -

Nýjustu fréttir

- Auglýsing -