Óskar Ólafsson var hetja Drammen-liðsins í dag þegar hann skoraði sigurmark liðsins þegar það sótti FyllingenBergen heim í norsku úrvalsdeildinni í handknattleik í kvöld, 33:32. Sigurmarkið skoraði Óskar þegar 55 sekúndur voru til leiksloka eftir sendingu frá hinum hálf íslenska Viktori Petersen Norberg. Sannkölluð íslensk samvinna í sigurmarkinu.
Sigurmarkið var eitt af fjórum mörkum Óskars í leiknum. Viktor skoraði þrjú mörk.
Drammen var fjórum mörkum yfir að loknum fyrri hálfleik, 18:14. Liðið er enn í þriðja sæti deildarinnar.
Staðan í norsku úrvalsdeildinni:
Elverum 24(13), Arendal 24(15), Drammen 24(17), Bækkelaget 18(16), Nærbö 18(16), Kolstad 15(14), FyllingenBergen 15(16), Halsum 14(15), Halden 12(16), Runar 12(15), Sandefjord 9(16), Fjellhammer 8(16), Viking 7(15).
