Ívar Logi er mættur á Nesið

Maksim Akbachev, aðstoðarþjálfari meistaraflokks karla hjá Gróttu, Ívar Logi Styrmisson og Arnar Daði Arnarsson, þjálfari karlaliðs Gróttu, glaðir í bragði. Mynd/Grótta

Eyjamaðurinn efnilegi, Ívar Logi Styrmisson, hefur ákveðið að leika með Gróttu á Seltjarnarnesi í Olísdeild karla í handknattleik á næsta keppnistímabili. Af þessu tilefni hefur verið gerður eins árs lánasamningur eftir því sem fram kemur í tilkynningu handknattleiksdeildar Gróttu.


Ívar Logi er á 21. aldursári og hefur leikið undanfarin þrjú árin í Olísdeildinni með ÍBV. Á síðustu leiktíð skoraði hann 13 mörk í 20 leikjum.
Ívar Logi á að baki nokkra unglingalandsleiki og m.a var hann í U17 ára landsliðinu sem hafnaði í þriðja sæti á Opna Evrópumótinu í Svíþjóð fyrir fjórum árum. Ívar Logi mun hafa farið mikinn í sigurleiknum á Norðmönnum sem skar úr um hvort liðið hreppti bronsverðlaunin.


„Ívar er fjölhæfur leikmaður sem hentar okkar leikstíl mjög vel. Það verður frábært að fá hann til okkar,“ er haft eftir Arnari Daða Arnarssyni þjálfara Gróttu í fyrrnefndri tilkynningu þar sem segir ennfremur að Arnar Daði sé mjög ánægður með að hafa klófest Eyjamanninn.

a>
- Auglýsing -

Nýjustu fréttir

- Auglýsing -