- Auglýsing -

Jafntefli í Íslendingaslag

Elvar Örn Jónsson landsliðsmaður í handknattleik og leikmaður Skjern. Mynd/Skjern

Íslensku landsliðsmennirnir í handknattleik Elvar Örn Jónsson og Viktor Gísli Hallgrímsson mættust í dönsku úrvalsdeildinni í gær með liðum sínum, Skjern frá Jótlandi og GOG frá Fjóni í Skjern Bank Arena að viðstöddum 400 áhorfendum.

Jafntefli varð niðurstaðan, 31:31, en GOG var marki yfir að loknum fyrri hálfleik.

Elvar Örn skoraði sex mörk hjá Viktori Gísla í marki GOG í níu skotum auk þess sem Elvar átti einu stoðsendingu.

Viktor Gísli varði 9 skot og var með 23% hlutfallsmarkvörslu en hann stóð á milli stanganna alla leikinn ef eitt vítakast er undanskilið.

Danmerkurmeistarar Aalborg, þar sem Arnór Atlason er aðstoðarþjálfari, vann fjórða leikinn sinn í röð þegar þeir mættu Mors-Thy á heimavelli, 28:26. Aalborg er eina liðið með fullt hús stiga eftir fjóra leiki. Sveinn Jóhannsson og samherjar í SönderjyskE geta jafnað metin við Aalborg annað kvöld þegar þeir mæta Ágústi Elí Björgvinssyni og hans samherjum í KIF Kolding í síðasta leik fjórðu umferðar dönsku úrvalsdeildarinnar í handknattleik karla.

Staðan í deildinni.

- Auglýsing -
- Auglýsing -

Nýjustu fréttir

- Auglýsing -