Jöfnuðu metin með sigri í framlengingu

Bjarni Ófeigur Valdimarsson leikmaður Skövde t.v. Mynd/Aðsend

Bjarni Ófeigur Valdimarsson og samherjar hans í IFK Skövde náðu í dag að jafna metin við Ystad í rimmu liðanna um sænska meistaratitilinn í handknattleik. Skövde vann eftir framlengdan leik sem fram fór í Ystad, 34:29. Jafnt var eftir venjulegan leiktíma, 29:29. Virtist heimamönnum falla allur ketill í eld í framlengingunni.


Staðan er þar með jöfn eftir tvær viðureignir, hvort lið hefur einn vinning. Næsti leikur verður í Skövde á þriðjudaginn. Vinna þarf þrjá leiki til þess að verða sænskur meistari.


Bjarni Ófeigur þótti bera af í Skövde-liðinu eftir því sem næst verður komist. Hann varð markahæstur með sjö mörk. Gamla brýnið, Kim Andersson, var atkvæðamestur hjá Ystad með átta mörk.


a>
- Auglýsing -

Nýjustu fréttir

- Auglýsing -