- Auglýsing -
KA-menn unnu fjórða leik sinn í röð í Olísdeild karla í kvöld er þeir lögðu Stjörnuna, 25:24, í KA-heimilinu. Um leið var þetta annar tapleikur Stjörnunnar á árinu en liðið tapaði fyrir Haukum á heimavelli í byrjun vikunnar. KA var með tveggja marka forskot að loknum fyrri hálfleik, 15:13.
Með sigrinum þá heldur KA-liðið sjötta sæti deildarinnar. Liðið hefur 14 stig og er tveimur stigum á undan Aftureldingu og Fram. Aftureldingarliðið hefur enn ekki leikið í deildinni á árinu. Stjarnan er í fimmta sæti með 18 stig og hefur leikið 15 leiki.
Eftir að hafa átt undir högg að sækja í fyrri hálfleik þá náðu Stjörnumenn sér aðeins á strik í byrjun síðari hálfleiks og voru með frumkvæðið framan af. KA-menn voru sterkari þegar á leið og unnu þótt þeir væri m.a. án Einars Rafn Eiðssonar sem var reyndar á skýrslu en kom ekkert við sögu. Einar Rafn meiddist á hné á æfingu á föstudaginn, samkvæmt heimildum handbolta.is.
Mörk KA: Óðinn Þór Ríkharðsson 8/3, Patrekur Stefánsson 6, Allan Norðberg 3, Ólafur Gústafsson 3, Arnar Freyr Ársælsson 2, Ragnar Snær Njálsson 1, Einar Birgir Stefánsson 1, Haraldur Bolli Heimisson 1.
Varin skot: Nicholas Satchwell 8, 40% – Bruno Bernat 7, 36,8%.
Mörk Stjörnunnar: Dagur Gautason 8, Hafþór Már Vignisson 8, Leó Snær Pétursson 4/4, Tandri Már Konráðsson 2, Starri Friðriksson 1, Þórður Tandri Ágústsson 1.
Varin skot: Sigurður Dan Óskarsson 6, 50%, Brynjar Darri Baldursson 2, 16,7%, Arnór Freyr Stefánsson 2, 18,2%.
Öll tölfræði leiksins er hjá HBStatz.
Stöðu og næstu leiki í Olísdeild karla er að finna hér.
- Auglýsing -
