Kærkominn sigur í lífróðri

Viggó Kristjánsson landsliðsmaður og leikmaður Stuttgart í Þýskalandi. Mynd/Hafliði Breiðfjörð

Lífróður Stuttgart fyrir áframhaldandi veru í þýsku 1. deildinni í handknattleik gekk ágætlega í kvöld. Liðið, sem Andri Már Rúnarsson og Viggó Kristjánsson leika með, vann Erlangen, 34:29, á heimavelli. Stuttgart er eftir sem áður í 15. sæti deildarinnar af 18 mögulegum en færðist aðeins frá neðstu liðunum þremur með þessum sigri. Hvert stig verður talið saman þegar upp verður staðið.


Viggó Kristjánsson skoraði tvö mörk og átti fimm stoðsendingar. Andri Már skoraði ekki að þessu sinni né átti stoðsendingu.


Ólafur Stefánsson er aðstoðarþjálfari Erlangen.

Annar leikur á tveimur sólarhringum

Ómar Ingi Magnússon skoraði átta mörk og Gísli Þorgeir Kristjánsson eitt þegar Magdeburg vann öruggan sigur, 30:22 á heimavelli, á Hannover-Burgdorf sem situr í sætinu fyrir ofan Stuttgart. Ómar og Gísli áttu eina stoðsendingu hvor. Aðeins eru tveir sólarhringar síðan Magdeburg lék í Lissabon í Evrópudeildinni.
Heiðmar Felixson er aðstoðarþjálfari Hannover-Burgdorf.

Arnór Þór með fjögur mörk

Arnór Þór Gunnarsson skoraði fjögur mörk, ekkert úr vítakasti, þegar Bergischer HC tapaði á heimavelli fyrir Füchse Berlin, 28:23, á heimavelli.

Berlínarliðið hefur verið verið í miklum ham allt keppnistímabilið. Með sigrinum í kvöld komst liðið upp í annað sæti deildarinnar, stigi á undan Kiel. Magdeburg er efst, fimm stigum á undan Füchse Berlin.

Staðan í þýsku 1. deildinni:

Standings provided by SofaScore LiveScore
- Auglýsing -

Nýjustu fréttir

- Auglýsing -