Kaflaskiptur tapleikur gegn Noregi

U18 ára landslið pilta við brottför frá Keflavíkurflugvelli á dögunum. Mynd/HSÍ

Íslenska landsliðið í handknattleik karla, skipað leikmönnum 18 ára og yngri, tapaði með þriggja marka mun fyrir norskum jafnöldrum sínum í fyrstu umferð á æfingamóti í Lübbeck i Þýskalandi í kvöld, 32:29. Norðmenn voru einnig með þriggja marka forskot í hálfleik, 15:12.


Næsti leikur íslensku piltanna verður á móti landsliði Hollands í hádeginu á morgun. Á laugardaginn verður andstæðingurinn þýska landsliðið.


Fyrri hálfleikur var lengst af nokkuð jafn þótt norska liðið hefði frumkvæðið og var oftar á undan að skora.


Norsku piltarnir byrjuðu síðari hálfleik af krafti, 17:13, 24:19, og 28:21 var m.a. forskot þeirra áður en leikmenn íslenska liðsins náðu áhlaupi undir lokin. Þeim tókst að minnka muninn í þrjú mörk, 29:26. Nær komst þeir ekki og norska liðið fagnaði sigri.

„Margt jákvætt í leik Íslands í kvöld en of margir tapaðir boltar í sókninni ásamt veikum varnarleik varð þess valdandi að strákarnir höfðu ekki betur gegn mjög góðu norsku liði,“ segir m.a. í umfjöllun á Facebook-síðu HSÍ.


Mörk Íslands: Kjartan Þór Júlíusson 6, Elmar Erlingsson 5, Össur Haraldsson 5, Andri Fannar Elísson 3, Sigurður Snær Sigurjónsson 3, Þorvaldur Örn Þorvaldsson 2, Andrés Marel Sigurðsson 1, Birkir Snær Steinsson 1, Hinrik Hugi Heiðarsson 1, Skarphéðinn Ívar Einarsson 1, Viðar Ernir Reimarsson 1.
Varin skot: Ísak Steinsson 6, Breki Hrafn Árnason 1.


Keppni á mótinu í Lübeck er liður í undirbúningi íslensku piltanna fyrir þátttöku á EM sem fram fer í Podgorica í Svartfjallalandi í ágúst.


a>
- Auglýsing -

Nýjustu fréttir

- Auglýsing -