Landsliðsmarkvörðurinn Viktor Gísli Hallgrímsson hefur ekki fengið mörg tækifæri með danska úrvalsdeildarliðinu GOG í upphafsleikjum keppnistímabilsins. Norski landsliðsmarkvörðurinn Torbjørn Bergerud virðist eiga sviðið um þessar mundir en hann gekk til liðs við GOG í sumar frá Flensburg.
Viktor Gísli lætur ekki fá tækifæri og breytt hlutverk til þessa slá sig út af laginu. Í samtali við Visir.is sagði Viktor Gísli að um nýja reynslu sé að ræða. Hún þurfti ekki að vera svo slæm þegar horft sé til lengri tíma.
„Þetta verður öðruvísi tímabil og kannski erfitt andlega en ég held að ég geti lært ógeðslega mikið á því að vera annar markvörður. Þetta ár gæti orðið það þegar ég horfi til baka og sagt að þetta hafi verið mikilvægasta tímabilið á ferlinum,“ sagði Viktor í samtali við Visir.is.
Tilkynnt var í fyrradag að Viktor Gísli hafi skrifað undir þriggja ára samning við HBC Nantes í Frakklandi sem taki gildi um mitt næsta ári.
GOG sækir Holstebro heim í kvöld í dönsku úrvalsdeildinni handknattleik.
