Karen og Arnór Snær fengu háttvísiverðlaunin

Arnór Snær Óskarsson og Karen Knútsdóttir hlutu viðurkenningu fyrir háttvísi frá HDSÍ. Þau eru fyrir miðri mynd. Guðmundur B. Ólafsson formaður HSÍ er lengst t.v. og Reynir Stefánsson varaformaður lengst t.h. Mynd/HSÍ

Í rúm 30 ár hefur Handknattleiksdómarasambandið, HDSÍ, afhent viðurkenningar til leikmanna í efstu deild karla og kvenna sem vekja athygli fyrir háttvísi, drenglyndi og prúðmennsku í hvívetna í kappleikjum Íslandsmótsins.

Nú eins og áður þá var voru viðurkenningar HSDÍ afhentar í verðlaunhófi HSÍ sem fram fór í hádeginu í dag.


Að þessu sinni komu viðurkenningarnar HDSÍ í hlut Karenar Knútsdóttur, Fram, og Arnórs Snæs Óskarssonar, úr Val. Bæði urðu þau Íslandsmeistarar með liðum sínum á dögunum.


Þetta er í annað sinn sem Karen fær háttvísiverðlaun HDSÍ en 11 ár eru liðin síðan hún varð fyrir valinu.

Þess má geta að Árni Bragi Eyjólfsson, KA, og Hrafnhildur Hanna Þrastardóttir, ÍBV, fengu háttvísisverðlaunin fyrir ári.

- Auglýsing -

Nýjustu fréttir

- Auglýsing -