Kastening tryggði Guðmundi og félögum annað stigið

Guðmundur Þórður Guðmundsson þjálfari MT Melsungen í Þýskalandi. Mynd/Melsungen

Timo Kastening tryggði Guðmundi Þórði Guðmundssyni og lærisveinum hans í Melsungen annað stigið gegn GWD Minden á heimavelli í kvöld í þýsku 1. deildinni í handknattleik, lokatölur 24:24. Kastening skoraði úr vítakasti fimm sekúndum fyrir leikslok en 11 sekúndum áður hafði Silvio Heinvetter, markvörður Melsungen og samherji Kastening, varið skot frá Juri Knorr leikmanni Minden og þannig væntanlega komið í veg fyrir annað tap Melsungen í röð.

Þetta var fyrsta stig Minden-liðsins á keppnistímabilinu. Melsungen er hinsvegar með fimm stig eftir fjóra leiki.

Í jöfnum leik var staðan jöfn í hálfeik, 14:14.

Julius Kühn var markahæstur hjá Melsungen með átta mörk og Kai Häffner var næstur með fjögur mörk. Arnar Freyr Arnarsson skoraði eitt af mörkum Melsungen-liðsins.

Fyrrnefndur Knorr var markahæstur hjá Minden með átta mörk. Norðmaðurinn Christofer Rambo var næstur með sex mörk. Knorr var helsta driffjöður þýska U18 ára landsliðsins á EM 2018 og þykir mikið efni í framúrskarandi handknattleiksmann.

- Auglýsing -

Nýjustu fréttir

Viltu vera með?

Frá og með deginum í dag geta lesendur handbolta.is greitt fast mánaðarlegt framlag til að efla starfsemi hans. Hægt er að greiða...

KA/Þór fékk ítalskt lið

KA/Þór leikur við ítalska liðið Jomi Salerno í 3. umferð Evrópubikarkeppninnar í handknattleik kvenna en dregið var í morgun. Jomi Salerno var...

Ekki alvöru íþróttamaður

„Emil stenst ekki þær kröfur sem gerðar eru til alvöru íþróttamanna,“ sagði Nikolaj Jakobsen, landsliðsþjálfari Dana í handknattleik fyrir 514 dögum síðan...
- Auglýsing -